"Azərbaycanda "A N1H1" (donuz qripi) virusuna yoluxanlardan biri öz şikayəti əsasında müəyyənləşib". ANS PRESS-in məlumatına görə, bunu Səhiyyə Nazirliyinin Sanitar Epidemioloji Nəzarət sektorunun müdiri Viktor Qasımov bu gün keçirdiyi brifinqdə bildirib.

Onun sözlərinə görə, digər virus daşıyıcısı sərhəddə aparılan yoxlama tədbirləri zamanı müəyyənləşib. "Hər iki xəstənin vəziyyəti kafidir. Onlar hazırda müalicə kursu keçirlər".

Sektor müdiri xəstəliklə mübarizə üçün Ağciyər Xəstəlikləri İnsititutunun və 7 saylı uşaq xəstəxanasının ayrıldığını bildirib.

V.Qasımov əhaliyə özlərində hər hansı narahatlıq hiss edən kimi səhiyyə ocaqlarına müraciət etməyi, gigiyena qaydalarına riayət etməyi və virusun yayıldığı ölkələrə getməməyi məsləhət görüb.

Xatırladaq ki, Azərbaycanda "A N1H1" virusuna iki nəfər yoluxub. Bunlar Bakı və Gəncə şəhər sakinləridirlər. Onların hər ikisi bir müddət öncə İngiltərə və Fransadan səfərdən qayıdıb.

Azərbaycanda "donuz qripi" tapıldı

“Donuz qripi”nə yoluxmuş azərbaycanlılardan biri uşaqdır /ANS PRESS/