En son xeberler

Sabah Metyu Brayza Ermənistanda tələbələrlə görüşəcək

Admin — Thu, 06 Aug 2009 07:43:10 GMT

Görüşdə amerikalı dipolomat regional problemlər barədə danışacaq, tələbələrin və KİV nümayəndələrinin suallarını cavablandıracaq

Sabah ABŞ dövlət katibinin müavini, ATƏT-in Minsk qrupunun amerikalı tyu Brayza Ermənistanın Tsaxkadzor (Dərəçiçək kəndi) vilayətində erməni və avropalı tələbələrlə görüşəcək. Bu barədə “Panarmenian” agentliyi ABŞ-ın İrəvandakı səirliyinə istinadən xəbər verib. Görüş “Avroforum” proqramı çərçivəsində baş tutacaq. Görüşdə amerikalı dipolomat regional problemlər barədə danışacaq, tələbələrin və KİV nümayəndələrinin suallarını cavablandıracaq.

Xəbər ANS-PRESS-ə istinadən yazılıb

“Xəzərin bölünməsi zamanı Abşeron yarımadası və Çilov adası nəzərə alınmamalıdır”

VAZGEC_GONLUM — Tue, 04 Aug 2009 09:35:05 GMT

Türkmənistan XİN-in fikrincə, Xəzərin dibinin və səthinin bölünməsi “orta xətt” prinsipi üzrə həyata keçirilməlidir
Bu gün “Neytral Türkmənistan” qəzetində Türkmənistan Xarici İşlər Nazirliyi adından məqalə dərc olunub. Məqalədə Türkmənistan XİN bildirir ki, Xəzər dənizində hansısa birtərəfli hərəkətlərin həyata keçirilməsi yolverilməzdir: “Bunun üçün Xəzəryanı dövlətlər arasında dəniz dibinin konkret sahələrində onların yurisdiksiyasını müəyyən edən saziş imzalanmalıdır. Bunu 1958-ci ildə Cenevrədə qəbul olunmuş “Kontinental şelf haqqında” Konvensiya da tələb edir”.
Türkmənistan XİN-in fikrincə, Xəzərin dibinin və səthinin bölünməsi “orta xətt” prinsipi üzrə həyata keçirilməlidir: “Aşxabad hesab edir ki, Xəzərin Türkmənistan və Azərbaycan arasında bölünməsi zamanı Abşeron yarımadası və Çilov adası nəzərə alınmamalıdır”. Türkmənistan XİN bəyan edir ki, yaranmış vəziyyətdə beynəlxalq arbitraj instansiyalarına müraciət etmək prinsipinə sadiq qalacaq.
Qeyd edək ki, Türkmənistan və Azərbaycan arasında yaranmış fikir ayrılıqları üç neft-qaz yatağı – “Kəpəz” (Türkmənistan onu “Sərdar” adlandırır), “Azəri” (“Ömər”) və “Çıraq” (“Osman”) yataqları ilə bağlıdır.

“Xəzərin bölünməsi zamanı Abşeron yarımadası və Çilov adası nəzərə alınmamalıdır”

VAZGEC_GONLUM — Tue, 04 Aug 2009 09:34:56 GMT

Antalyada 206 nəfər ölümlə üz-üzə gəldi

VAZGEC_GONLUM — Tue, 04 Aug 2009 09:33:03 GMT

Təyyarədə 7 ekipaj üzvü, 199 sərnişin olmaqla 206 nəfər olub. Ekipaj üzvü və sərnişinlərdən xəsarət alan olmayıb
Antalyadan Sürixə gedən sərnişin təyyarəsi havaya qalxandan 6 dəqiqə sonra qəza təhlükəsi ilə üzləşib. “Air Berlin” aid “Boeing 757” tipli təyyarənin mühərrikində nasazlıq yaranıb və havaya qalxandan 6 dəqiqə sonra mühərrik od tutub.
Pilot dərhal təyyarəni yerə endirib. Həmin vaxt təyyarədə 7 ekipaj üzvü, 199 sərnişin olmaqla 206 nəfər olub. Ekipaj üzvü və sərnişinlərdən xəsarət alan olmayıb/

Dünya Bankı Azərbaycana daha 175 mln. dollar ayırıb

VAZGEC_GONLUM — Tue, 04 Aug 2009 09:31:50 GMT

Azərbaycanda magistral avtomobil yollarının yenidən qurulması - II” layihəsinin icrasına ikinci əlavə vəsaitin ayrılmasına dair kredit sazişi imzalanıbBakıda Dünya Bankı (DB) və Azərbaycan Nəqliyyat Nazirliyi arasında “Azərbaycanda magistral avtomobil yollarının yenidən qurulması - II” layihəsinin icrasına ikinci əlavə vəsaitin ayrılmasına dair kredit sazişi imzalanıb.
DB-nin Bakıdakı ofisindən “APA-Economics”ə verilən məlumata görə, cari ilin iyun ayında DB-nin Direktorlar Şurası sözügedən layihənin icrasına ikinci əlavə vəsaitin ayrılmasını təsdiqləyib: “Kreditin ümumi məbləği 175 mln. ABŞ dolları təşkil edir ki, bunun da 63 mln. dolları güzəştli şərtlərlə, 113 mln. dolları isə DB üzvü olan Beynəlxalq Yenidənqurma və İnkişaf Bankı (IBRD) tərəfindən ayrılacaq”.
“Azərbaycanda magistral avtomobil yollarının yenidən qurulması - II” layihəsinin icrasına əlavə vəsaitin ayrılması yalnız Hacıqabul-Bəhramtəpə avtomobil yolunun yenidən qurulması və bu yolun ətrafında olan 200 km-lik kənd yollarının inşası üçün nəzərdə tutulub. Ümumiyyətlə, layihəyə Ələt-Masallı, Kürdəmir-Ucar, Bakı-Şamaxı avtomobil yollarının yenidən qurulması və H.Z.Tağıyev qəsəbəsindən Sahil qəsəbəsinədək avtomobil yolunun tikintisi komponentləri daxildir. DB layihənin icrasına ilkin olaraq 200 mln. dollar ayırıb, daha sonra 300 mln. dollar əlavə vəsaitin ayrılmasına dair Azərbaycan hökuməti ilə və DB arasında saziş imzalanıb.
Xatırladaq ki, 2 zolaqlı Hacıqabul-Bəhramtəpə yolunun uzunluğu 69 kilometrdir. Tikinti işlərinə 2011-ci ildə başlanması və 2013-cü ildə başa çatdırılması nəzərdə tutulur.

“Builki məzunların qəbul imtahanlarında göstərdikləri orta bal 180-dən aşağıdır”

VAZGEC_GONLUM — Tue, 04 Aug 2009 09:29:49 GMT

Məzunların 31,5 faizi 0-100, 22,6 faizi 100-200, 18,2 faizi 200-300, 21,2 faizi 300-500, 6,4 faizi 500-700 bal arası nəticə göstərib
Qəbul imtahanlarında iştirak edən 114 min abituriyentdən 66 min 621-i bu ilin məzunudur. Həmin məzunların 33 mini qəbul imtahanlarında 139 baldan aşağı nəticə göstərib. Bu barədə məlumat verən Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib ki, builki məzunların qəbul imtahanlarında göstərdikləri orta bal 180-dən aşağıdır: “Ümumilikdə bu il orta məktəbləri 120 min məzun bitirib, onların yalnız 50-55 faizi qəbul imtahanlarında iştirak edib. Məzunların 31,5 faizi 0-100, 22,6 faizi 100-200, 18,2 faizi 200-300, 21,2 faizi 300-500, 6,4 faizi 500-700 bal arası nəticə göstərib. Qəbul imtahanlarında 300 baldan yuxarı nəticə göstərən abituriyentlər cəmi 27,6 faiz təşkil edir”. Daha sonra ali məktəblərin bakalavr pilləsinə daxil olmaq üçün ixtisas seçimindən söz açan Məleykə xanım deyib ki, artıq 25114 abituriyent ixtisas seçimi ərizəsini təsdiqləyib. TQDK sədri bildirib ki, ixtisas seçimi mərhələsi avqustun 3-dək davam edəcək. Ali məktəblərə qəbulun yekun nəticələri isə avqustun 5-də açıqlanacaq.Qeyd edək ki, dünən əsas təhsil bazasından (9 illik) orta ixtisas məktəblərinə sənəd qəbulu da başa çatıb. Məleykə xanım deyib ki, əsas təhsil bazasından orta ixtisas məktəblərinə qəbul imtahanı avqustun son ongünlüyündə ölkənin müxtəlif bölgələrində keçiriləcək. Bu il (9 illik) təhsil bazasından 46 dövlət, 1 özəl orta ixtisas məktəbinə ayrılan plan yerlərinin sayı 9516-dır. TQDK sədri bəyan edib ki, 11 illik təhsil bazasından orta ixtisas məktəblərinə ayrıca qəbul imtahanı keçirilməyəcək. Qəbul imtahanlarında iştirak edib 50 baldan yuxarı nəticə göstərən abituriyentlər avqustun 7-dən öz elektron ərizələrinə daxil olaraq ixtisas seçimində iştirak edə bilər.

Buşa ayaqqabı atan jurnalist gələn ay azadlığa buraxılacaq

VAZGEC_GONLUM — Tue, 04 Aug 2009 09:28:12 GMT

İraqın Ali Məhkəmə Şurasının rəhbəri Diya El Sadi öz açıqlamasında deyib ki, jurnalist M.E.Zeydinin həbsinin ¼ hissəsi bağışlanıb
ABŞ-ın sabiq prezidenti Corc Buşa İraqda keçirilən mətbuat konfransı zamanı ayaqqabı atan iraqlı jurnalist Muntazar El Zeydi gələn ay həbsdən azadlığa buraxılacaq. İraqın Ali Məhkəmə Şurasının rəhbəri Diya El Sadi öz açıqlamasında deyib ki, jurnalist M.E.Zeydinin həbsinin ¼ hissəsi bağışlanıb. “Hakimiyyət öz hümanist qərarı ilə jurnalisti azadlığa buraxacaq”, - deyə Diya El Sadi əlavə edib.
Xatırladaq ki, jurnalistin 14 dekabr 2008 il tarixində həbs olunub. Həbsə səbəb isə jurnalistin ABŞ prezidenti Corc Buşa mətbuat konfransı zamanı ayaqqabı atması olub.Buna görə İraq hakimiyyəti jurnalistə 3 il həbs cəzası verib, lakin sonradan həmin cəzanın müddəti bir ilə endirilib.

UEFA AFFA-ya tənqid məktubu göndərdi

VAZGEC_GONLUM — Tue, 04 Aug 2009 09:26:32 GMT

Klublarımızın Bakıda keçirəcəkləri növbəti oyunların təşkilatçılığı ilə bağlı AFFA-nın qarşısına tələb qoyulub.Çempionlar Liqasının üçüncü təsnifat mərhələsi çərçivəsində keçirilmiş “Bakı” - “Levski” və Avropa Liqasının ikinci təsnifat mərhələsi çərçivəsində keçirilmiş “Qarabağ” - “Rusenborq” oyunlarında təhlükəsizliyin UEFA-nın tələblərinə uyğun şəkildə təmin olunmaması ilə bağlı Avropa futbol qurumu tərəfindən AFFA-ya məktub göndərilib. Məktubda hər iki oyun üçün biletlərin çap edilməməsi, bununla əlaqədar təhlükəsizlik və ümumi tədbirlərin aşağı səviyyədə olması ciddi tənqid edilib, “Bakı” klubuna sanksiya tətbiq olunacağı bildirilib və klublarımızın cari mövsümdə avrokuboklar çərçivəsində Bakıda keçirəcəkləri növbəti oyunların təşkilatçılığı ilə bağlı AFFA-nın qarşısına tələb qoyulub. Bununla əlaqədar, Avropa Liqasının üçüncü təsnifat mərhələsinin cavab oyunları çərçivəsində avqustun 6-da saat 20:00-da Tofiq Bəhramov adına Respublika Stadionunda keçiriləcək “Qarabağ” - “Honka” qarşılaşmasının müəyyən təşkilati işləri AFFA tərəfindən həyata keçiriləcək.

Futbol diplomatiyasının növbəti mərhələsində Türkiyəyə təzyiqlər artır

VAZGEC_GONLUM — Tue, 04 Aug 2009 09:24:43 GMT

Konqresinin 81 nəfər ermənipərəst üzvü Prezident Barak Obamaya müraciət edərək onu qondarma erməni soyqırımını tanımağa çağırıblarBir müddət bundan əvvəl Obama administrasiyasını Ermənistana ayırlan hərbi yardımı azaltdığına görə kəskin şəkildə tənqid edərək bu məsələyə yenidən baxılmasına nail olan ABŞ-dakı ermənipərəst konqresmenler indi də Türkiyəni hədəf alaraq Ağ Evin rəhbərinə qondarma erməni soyqırımını tanıması üçün təzyiqlər göstərməyə başlayıblar.Türkiyə ilə Ermənistan arasında keçiriləcək növbəti futbol matçı ərəfəsində ABŞ-dakı erməni lobbisi yenidən Ankaraya qarşı müxtəlif siyasi təzyiq vasitələrini işə salmağa cəhd edir. Belə ki, bir neçə gün bundan əvvəl Ermənistan prezidenti Serj Sərkisyanın “Sərhədlər açılmasa, futbol matçını izləmək üçün Türkiyəyə getməyəcəyəm” - deyə ermənisayaq açıqlama verməsi ABŞ-dakı ermənipərəst konqresmenlərin növbəti dəfəTürkiyəyə qarşı hərəkətə başlamaları üçün sanki siqnal olub. Belə ki, ABŞ Konqresinin 81 nəfər ermənipərəst üzvü Prezident Barak Obamaya müraciət edərək onu qondarma erməni soyqırımını tanımağa çağırıblar.Onlar iddia ediblər ki, guya Türkiyə rəsmi şəkildə Ermənistanla münasibətlərin normallaşdırılmasına mane olur və iki ökə arasında sərhədləri açmaq istəmir. Müraciətdə qeyd edilir ki, guya Ankara Türkiyə-Ermənistan münasibətlərini normallaşdırmağı nəzərdə tutanYol xəritəsi”nin həyata keçirilməsinə hər vasitə ilə mane olur. Müraciətdə bununla bağlı bu ilin may ayının 13-də baş nazir Rəcəb Tayyib Ərdoğanın verdiyi bəyanata diqqət cəlb edilir. Xatırladaq ki, həmin bəyanatında Ərdoğan Dağlıq Qarabağ münaqişəsi həll olunmayana və Azərbaycan torpaqları işğaldan azad edilməyənə qədər Ermənistanla sərhədlərin açılmayacağını bildirib. Məsələ ilə bağlı ermənipərəst konqresmenler Obmanı qondarma erməni soyqırımını tanımağa məcbur etmək üçün digər bir gülünc iddianı da ortaya atıblar. Onların sözlərinə görə, Türkiyə ABŞ tərəfindən qondarma erməni soyqırımının tanınmasına mane olmaq məqsədi ilə “Yol xəritəsi”ni imzalayıb və bu sənəddə nəzərdə tutlanlara əməl etməməklə guya ABŞ-ı aldadıb. Bunu nəzərə alan konqresmenlər Obamanı Ermənistan-Türkiyə münasibətlərinin normallaşdırılmasını qondarma soyqırımını tanıma məsələsindən ayırmağa çağıraraq ondan qondarma soyqırımını tanıyacağı ilə bağlı seçkiqabağı verdiyi vədləri yerinə yetirməsini istəyiblər.
Beləliklə, Türkiyə-Ermənistan futbol matçı ərəfəsində həm Ermənistan prezidenti, həm də ABŞ konqresmenləri futbol diplomatiyasından Türkiyəyə qarşı təzyiq vasitəsi kimi istifadəyə cəhd edərək Ankaranı adı çəkilən ölkə ilə sərhədi açmağa məcbur etmək niyyətindədirlər. Məsələyə münasibət bildirən politoloq Vəfa Quluzadə isə ermənipərəst konqresmenlərin son hərəkətlərini mənasız cəhd adlandırıb. Onun fikrincə, Obama qondarma soyqırımını tanımağın Türkiyə-ABŞ və ABŞ-Azərbaycan münasibətlərində gərginlik yaradacağını və bunun ölkəsi üçün bölgənin itirilməsinə gətirib çıxaracağını yaxşı anlayır. Vəfa Quluzadə bütün hallarda ABŞ prezidentinin ermənipərəst konqresmenlərin təzyiqlərinə uymayacağına və bu məsələdə Türkiyənin və Azərbaycanın, həmçinin öz ölkəsinin milli maraqlarına zidd addımlar atmayacağına əmin olduğunu söyləyib. Politoloq Rasim Musabəyov də ermənipərəst konqresmenlərin təzyiqi ilə Obamanın qondarma soyqırımını tanımasının, həmçinin Türkiyənin Dağlıq Qarabağ münaqişəsi həll edilməyənə qədər Ermənistanla sərhədi açmasının inandırıcı görünmədiyini deyib. Politoloq bu məsələdə ermənpərəst konqresmenlərin və Ermənistanın futbol diplomatiyasından bir vasitə kimi istifadə etməsini siyasi oyunbazlıq adalndırıb.

İSA QƏMBƏRDƏN SONRAKI BAŞQAN...

VAZGEC_GONLUM — Tue, 04 Aug 2009 09:20:25 GMT

Yeni Ümid» qəzeti ötən sayında Müsavat Partiyasının başqanı postu uğrunda mübarizə başlaması barədə yazı dərc edib. Məqalədə iddia olunur ki, Müsavat başqanı İsa Qəmbər hələ ötən il verdiyi bəyanatına uyğun olaraq, 2010-cu ildə rəhbərlikdən getmək niyyətindədir. Qəzet yazır ki, İ.Qəmbər başqanlıqdan gedərkən partiyanın ziyan çəkməməsi və parçalanmalar baş verməməsi üçün bir sıra addımlar atmağı planlaşdırır. «Yeni Ümid»də yazılanlara görə, bu istiqamətdə ilk addım gələcək başqanın hazırlanmasıdır.
Sitat: «Bu barədə qəzetimizə məlumat verən müsavatçı mənbənin sözlərindən belə aydın oldu ki, artıq 2 ildir İsa Qəmbər öz yerinə varisini hazırlamaqla məşğuldur. Həmin şəxsin kimliyi də artıq Müsavat rəhbərliyinə məlumdur. Bu işi heç də gizli şəkildə həyata keçirməyən İsa Qəmbər öz varisinin sürpriz xarakteri daşımamasında daha çox maraqlıdır. Təbii ki, o, sürpriz bir adı təqdim edərsə, bu, partiyanın bütünlüyünə təhdid ola bilər. Elə buna görə də bəri başdan qulaqları yeni başqanın adına alışdırmaq lazımdır»...
Qəzet daha sonra yazır ki, İsa Qəmbər yerinə iqtisadçı Qubad İbadoğlunu hazırlayır: «Qubad İbadoğlunun bir üstünlüyü də var ki, o, Müsavat daxilindəki bütün qruplaşmalardan İsa Qəmbər qədər uzaqdır və bütün qruplaşmalara İsa Qəmbər qədər doğmadır. Yəni onun növbəti dönəmin başqanı kimi həzm etdirilməsi İsa Qəmbərə çətin başa gəlməyəcək, nəinki digərlərinin».
«Yeni Ümid» həmçinin qeyd edib ki, partiyada İ.Qəmbərdən sonra başqan olmaq istəyən bir çox funksionerlər var ki, onlar Q.İbadoğlunun bu posta hazırlanmasına qarşı çıxacaqlar...
Mətbu orqan onu da iddia edib ki, 2010-cu ildə keçiriləcək qurultayda İsa Qəmbər üçün Müsavat lideri postu da yaradıla bilər.
Təbii ki, bu deyilənlərdə müəyyən şişirtmələr, fantaziya məhsulu təsiri bağışlayan məqamlar da var. Amma o da reallıqdır ki, 2010-cu ildə Müsavatın növbəti qurultayı olacaq və İsa Qəmbər növbəti seçkidə başqanlığa namizədliyini irəli sürməyəcəyini bəyan edib. Partiyada can qoymuş funksionerlərin isə başqanlıqda gözü olması normal haldır. Necə deyərlər, general olmaq istəməyən əsgər əsgər deyil. Bununla yanaşı, indidən İ.Qəmbərin özünün varisini hazırlaması barədə deyilənlər həm təəccüblüdür, həm də o qədər də inandırıcı görünmür. Amma «yaxşısını partiya funksionerləri özləri bilirlər» deyib də, onlarla danışmağa cəhd etdik.
Müsavat Partiyasının Mərkəzi İcra Aparatının rəhbəri Arif Hacılı Müsavatın demokratik bir təşkilat olduğunu dedi: «Müsavatda bütün seçkili orqanlara seçkilər gizli keçirilir. Başqanlığa da seçkilər gizli keçiriləcək. Bu partiyada kifayət qədər təcrübəli, özünə hörmət edən siyasətçilər formalaşıb. Düşünmürəm ki, Müsavatda seçkilər hakimiyyət dairələrinin Azərbaycan cəmiyyətinə sırımaq istədiyi varislik prinsipləri əsasında keçiriləcək. Əgər Müsavat başqanlığı uğrunda ciddi, qızğın mübarizə başlayacaqsa, mən bunu yalnız müsbət hal kimi dəyərləndirərəm. Çünki hazırda Müsavat Partiyası üzərinə basqılar kifayət qədər yüksəkdir. Ana müxalifət partiyası olaraq Müsavat başqanı olmaq indi şərəfli iş olmaqla yanaşı, kifayət qədər çətin, məsuliyyətli bir mövqedir. Fikrimcə, partiya üzvləri kimi daha layiqli hesab edəcəklərsə, onu da başqan seçəcəklər».
Konkret olaraq, Qubad İbadoğlunun varis hazırlanmasına gəlincə, A.Hacılı bu haqda ilk dəfə bizdən eşitdiyini dedi: «Onunla əlaqədar nəinki rəsmi strukturlarda, heç kuluarlarda da müzakirə getməsinə rast gəlməmişəm».
Bəs A.Hacılı 2010-cu ildə Müsavat başqanlığı uğrunda yarışda kimi şanslı sayır? Bu suala onun cavabı belə oldu: «Hələ məlum deyil ki, 2010-cu ildə partiyanın qurultayı olacaq, ya yox. Yəni bu məsələnin özü də sual altındadır. Həmçinin partiya strukturlarında nizamnamə dəyişikliyi edilməsi barədə də fikirlər səsləndirilir. Amma inanmıram ki, nizamnamə dəyişikliyi olacaq. Hər halda, növbəti seçkilərdə çox yəqin ki, Müsavat Partiyasının başqanı vəzifəsində yeni adam olacaq. Bu məsələ barədə mən proqnoz vermək istəməzdim. Partiya üzvləri kimə səs verəcəklərsə, deməli, o adam da başqan olmağa ən layiqli adamdır. Əgər seçkilər demokratik keçirilirsə, insanların seçdiyi adam ən layiqli şəxs kimi qəbul olunmalıdır. Kiminsə bəyənmədiyi şəxs də partiya başqanı seçiləcəksə, deməli, həmin struktur o adama, o adam da həmin struktura layiqdir. Ona görə də bu məsələlərdə bir gərginlik mövcud deyil».
Bəs Qubad İbadoğlu bu iddialarla bağlı nə düşünür? Təəssüf ki, indi bunu öyrənə bilmədik. Çünki Qubad bəy hazırda xaricdə səfərdədir.